Home專欄職場食好西春天限定甜點 閨蜜聚會的季節

春天限定甜點 閨蜜聚會的季節

正所謂春眠不覺曉,踏入四月,開始Feel到春天的氣息,返工會有懶慵慵嘅感覺。好彩,望到頸都長,終於都等到復活節連假,係時候要約班閨蜜相約去Tea一Tea。 澳門酒店嘅下午茶一向水準不低,今次小編精選咗幾間最近都有推出新套餐嘅精選Café,等大家享受最美嘅復活節時光。

 

任食下午茶, 享受自製甜品的趣味

澳門君悅酒店大堂酒廊新推出咗下午茶自助餐,驟眼睇現場有幾十款蛋糕、雪糕、窩夫及麵包等甜品,還有小編最鐘情嘅三文魚貝果包,未食已經流口水。枱上仲有各式為這個下午茶而設計嘅精緻餐具,一坐底就可以根據自己嘅喜好挑選餐具款式,有傳統中式、創意西式、鏤空的獨特歐式,仲有葡式線條風格。甜品主廚特意創作多款式唔同色系嘅蛋糕,與餐具Perfect Match,影相呃Like一流。

 

“悦悅茶新語” 下午茶提供四種 不同款式嘅餐具 供客人選擇。

 

呢度嘅Tea Buffet還有另一個特色,就係可以「自制甜品」。成部窩夫機放喺度,隨時根據喜好搭配日本北海道軟雪糕、各種水果、醬汁及配料整出個性化窩夫。一轉身,仲可以即場烤製美味誘人嘅「自家制」薑汁或朱古力梳乎厘,讓人回味無窮。以$200鬆少少呢個價錢就可以任食到飽,性價比非常高,抵玩!

 

 

師傅現場製作三文魚貝果包。

 

大堂酒廊特別配置烤爐,讓客人可以品嘗新鮮出爐嘅英式鬆餅,滿足對口感嘅追求。

 

大堂酒廊提供窩夫 機,讓客人可根據喜好搭配各種配料,呈現屬於您獨一無二的作品。

 

甜品主廚貼心創造多款誘人嘅糕點。

澳門君悅酒店 「大堂酒廊」-每位 MOP219 ++

 

 

強強聯手, 打造最正宗法式風情

對於愛食甜點嘅人嚟講,相信對法式甜點品牌卡夫卡絕對唔會陌生。今個復活節,澳門JW萬豪酒店與卡夫夫聯手合作,精心炮製一系列以復活節為主題嘅下午茶美食。除咗有多款著名法國精緻甜品外,仲會加入復活節的繽紛色彩元素,啱晒假期帶埋一家大細去過返個開心的Good Friday。

JW x卡夫卡復活節下午茶 美食系列

 

小編最愛嘅係「躍」,香滑嘅榛子奶油加上脆脆,香口而不膩。另一款蛋糕「巢」酸酸甜甜,口感清新具層次,適合不喜歡太甜嘅朋友。

 

除了一系列卡夫卡精緻甜品之外,仲有多款鹹食,沙律、土司、三明治都一應俱全,照顧得咁周全,一個Tea Set可以試到酒店水準同坊間至愛,應該滿足了吧?

 

澳門JW萬豪酒店地面層「大堂酒廊」-套餐 MOP298 ++

 

 

春天的味道, 精緻日式美點巡禮

春天係日本櫻花盛開嘅季節,十六蒲蘇菲特酒店雅聚廊大堂吧嘅點心師傅以「日式風情」為主題,設計出幾道精緻甜點,喺澳門傳統特色舊區享受最優雅嘅和風味道。呢個套餐包括迷你綠茶芥末蛋糕及帶有Q彈口感嘅日式糯米糍等,小巧可愛而且味道獨特,仲有炸蝦天婦羅及兩杯自選飲品。百幾蚊可以坐一個下午,夠晒嘆啊!

迷你綠茶芥末蛋糕、日式糯米糍及炸蝦天婦羅

 

澳門十六蒲 蘇菲特酒店地面層 「雅聚廊大堂吧」-兩位 MOP258 ++

Facebook