Home主題故事狗年十二生肖升職攻略

狗年十二生肖升職攻略

 

事業運: 三星半

打工嘅老鼠仔喺2017年嘅職場上好運連連。今年一樣唔例外,前途無可限量,只要發揮所長,就會得到上司嘅賞識啦!不過,要謹記工作態度要保持低調,唔好因為自己事業順利就忽略咗人際關係,如果唔係就容易出事啦。

開運貼士

今年官位:東南方位
生肖貴人:牛、猴
幸運顏色:藍色、灰色
幸運數字:0、8

 

 

事業運: 四星

喺職場上嘅牛仔雖然今年運程有啲跌宕起伏,不過如果係返緊公職嘅你,咁啱上面職位有空缺嘅話,記得要好好把握機會盡力爭取,成功率都幾大㗎!而打工一族有機會遇到賞識你嘅伯樂,佢會好好幫你擴闊圈子人脈,至於點樣遇見伯樂?不妨多啲去唔同嘅聚會結識新朋友啦!

開運貼士

今年官位:西北方位
生肖貴人:蛇、鼠
幸運顏色:黑色、紫色
幸運數字:1、7

 

事業運: 三星半

今年老虎仔喺事業上都算係順風順水,遇到嘅挫折都會俾嚟緊遇到嘅貴人解決曬,只要好好表現,一定有晉升嘅機會。如果你係一個創業人士,都可以試下擴大你嘅經營,只要腳踏實地都有唔錯嘅結果。至於返緊公職嘅老虎仔,手上嘅權力可能會變大,要注意唔好因為咁而變得浮躁,要努力做好屬於你嘅工作。

開運貼士

今年官位:西北方位
生肖貴人:馬、豬
幸運顏色:藍色、黑色
幸運數字:3、9

 

事業運: 二星

今年兔仔要辛苦啲啦,喺職場上會出現困難,面臨頗多波折,會影響心情。不過!只要你肯堅持撐到底,就會有貴人幫你,解決眼前嘅難關。正所謂「聽日一定會好天嘅!」

開運貼士

今年官位:正南方位
生肖貴人:狗、豬
幸運顏色:粉色、黃色
幸運數字:0、8

 

事業運: 三星

龍仔今年因為沖太歲嘅關係,職場上容易遭受小人嘅暗算,令到你嘅工作變得困難。不過唔洗咁快愁嘅,因為會有一個吉星幫你消災解難,令你喺事業上可以大展拳腳。不過如果你係創業人士,就要安分守己,做好目前嘅事業打定基礎,盡量避免喺今年拓展經營,唔係好容易有損失㗎。

開運貼士

今年官位:東北方位
生肖貴人:鼠、猴
幸運顏色:紫色、灰色
幸運數字:3、7

 

事業運: 五星

蛇仔今年嘅事業運絕對掂啦!因為有吉星保佑你順利發展。返公職嘅蛇仔喺呢一年手中權力會有好大嘅提升,要好好表現自己,俾上司看重你嘅才能先可以有更高嘅職位提升。倘若你係打工一族,事業上都有貴人相助,令你工作順利之餘,同事和上司都會對你刮目相看。要注意嘅係,唔好因為事業而忽略咗身邊嘅朋友,忙碌嘅同時都要留意身體狀況啊!

開運貼士

今年官位:正北方位
生肖貴人:牛、猴
幸運顏色:綠色、白色
幸運數字:3、8

 

事業運: 二星半

今年馬仔嘅事業運勢係屬於凶中帶吉,一開始你會遇到好多困難,呢啲難關會令你一度想放棄,不過只要肯堅持落去,就會見到勝利嘅曙光,最終得到令你滿意嘅結果以及上司同事嘅認可。人際關係方面更加係朋友帝上身,如果公司職位有空缺,佢地會幫你獲得晉升嘅可能。

開運貼士

今年官位:正東方位
生肖貴人:狗、虎
幸運顏色:紅色、橙色
幸運數字:3、5

 

事業運: 二星半

馬騮仔嘅事業運就喜憂參半啦!今年有機會得到晉升,捉緊機會之後嘅事業運會更加順利,財運自然就亨通啦!但要注意嘅喺周圍嘅人會因此產生妒忌,好有可能會暗中詆毀你,令你嘅事業危機四伏,所以平時同佢地嘅來往要注意啦!

開運貼士

今年官位:東北方位
生肖貴人:鼠、蛇
幸運顏色:銀色、紅色
幸運數字:3、9

 

事業運: 三星

因為吉星嘅照耀會令羊仔係職場上獲得晉升,只要你好好把握,成功率都幾大㗎。但過程可能會遇到困難,從而打擊自信心。但係!捱過咗就會得到想要嘅結果,不妨請教公司嘅前輩,幫你嘅事業更上一層樓。

開運貼士

今年官位:東北方位
生肖貴人:馬、豬
幸運顏色:藍色、黑色
幸運數字:1、8

 

事業運: 三星半

今年狗仔因為有吉星嘅保佑,受到太歲嘅影響相對較少,所以可以專心發展事業。多啲喺上司面前展現你嘅長處,晉升嘅可能性喺十分大㗎~不過要注意嘅喺職位競爭嘅過程中會好激烈,令到你有退後之意。呢個時候千萬唔好怯!反而要更加認真對待,最終呢個職位就係屬於你㗎啦!

開運貼士

今年官位:正西方位
生肖貴人:馬、兔
幸運顏色:藍色、黑色
幸運數字:0、7

 


事業運: 三星

雞仔今年雖然犯太歲,但有吉星嘅保佑會令你在事業上有新嘅發展機遇。尤其係打工一族只要好好把握,努力表現自己,最終會有唔錯嘅結果。倘若有跳槽嘅想法,今年係一個好好的機會,就算係擅長嘅工作都唔好咁輕易怠懈,一定要兢兢業業。如果唔係就好容易被捉到痛腳㗎啦!

開運貼士

今年官位:正西方位
生肖貴人:牛、蛇
幸運顏色:紅色、白色
幸運數字:6、8

 

事業運: 四星

豬仔今年因為有吉星嘅保佑,工作事業會十分順利,尤其喺工作崗位有所變動嘅話會更加好。之前有跳槽嘅諗法,今年都可以實行,到咗新嘅工作環境一定會有所建樹。但係首要條件都喺自身要努力,令到上司留意到你,從而職位更加穩固。唔好因為有得升職而變得浮躁,咁會好容易俾新同事捉痛腳,切記要秉持低調做事嘅態度,贏取新同事嘅好感。

開運貼士

今年官位:正西方位
生肖貴人:兔、虎
幸運顏色:黃色、綠色
幸運數字:1、7

 

#資料參考:麥玲玲2018年生肖運程、2018年改運妙計錦囊

 

Facebook